Kryetar i Partisë Demokratike të Kosovës Memli Krasniqi, ka uruar popullin dhe institucionet amerikane 247 vjetorin e pavarësisë së Shteteve të Bashkuara të Amerikës, përcjell InLajmi.
Krasniqi tha se SHBA-të janë vend fanar e garantues i demokracisë në botë dhe njëkohësisht vendi më mik i Kosovës.
Kreu i PDK-së shtoi tha se me ndihmën dhe përkrahjen e Shteteve të Bashkuara të Amerikës Kosova finalizoi çlirimin dhe fitoi pavarësinë.
Tutje Krasniqi theksoi se PDK mbetet tejet e përkushtuar në ruajtjen dhe forcimin e miqësisë dhe aleancës së shenjtë mes popujve dhe shteteve tona.
Postimi i plotë i tij:
Për të gjithë popullin dhe institucionet amerikane, sidomos për amerikanët që punojnë e shërbejnë në Kosovë Urime Dita e Pavarësisë!
Në shënimin e 247 vjetorit të shpalljes së pavarësisë së Shteteve të Bashkuara të Amerikës, rikujtojmë fjalët e etërve themelues të këtij shteti dhe parimet për të cilat ata qëndronin, për një komb të bashkuar, të drejtë dhe të lirë.
Këto vlera, mbi të cilat është fuqizuar SHBA vendi që është fanar dhe garantues i demokracisë në botë, njëkohësisht vendi më mik i Kosovës, shërbejnë si udhërrëfyes për paqe dhe barazi kudo në botën demokratike.
Përpjekjet tona për çlirim dhe pavarësi u finalizuan suksesshëm me ndihmën dhe mbështetjen e pakursyer të SHBA-ve. Me diplomaci të përkushtuar, politikë të vendosur dhe angazhim të vazhdueshëm, SHBA-të u bënë zëri i drejtësisë për popullin e Kosovës. Para, gjatë dhe pas luftës për liri. Edhe sot e kësaj dite!
PDK mbetet tejet e përkushtuar në ruajtjen dhe forcimin e miqësisë dhe aleancës së shenjtë mes popujve dhe shteteve tona. Gëzuar 4 Korrikun/InLajmi/
