Mesazhe të qarta dhanë sot kryeministrat e Beneluxit të cilët vizituan Kosovën.
Kryeministri holandez, Mark Rutte, dhe ai i Luksemburgut, Xavier Bettel, kanë kërkuar nga Kosova që t’i përmbahet planit të Bashkimit Evropian për shtensionin e situatës në veri të vendit
Sipas tyre në këtë situatë të krijuar nuk duhet të kërkohet fajtori por të gjendet një zgjidhje.
Për mesazhet që kanë përçuar të 2 kryeministrat kanë folur analistë politik.
Sipas tyre, që të 2 si Rutte e po ashtu edhe Bettel kanë kërkuar që Kosova të merr përgjegjësi.
Por, se kanë shtuar se pavarësisht sanksioneve për Kosovën, vendet e Bashkimit Evropian janë të interesuara që ta shtensionojnë situatën.
Për analistin politik, Dritëro Arifi të 2 kryeministrat ishin të qartë në mesazhet e tyre.
“Sa u përket mesazheve të 2 kryeministrave atij të Holandës dhe Luksemburgut ishin shumë të qarta, ishin që Kosova t’i merr përgjegjësitë e veta dhe të kërkoj të paktën që punën e vet ta bëj në mënyrë që ta shtensionojë situatën nga këndvështrimi i Kosovës pa paragjykuar asgjë, pra Kosova duhet t’i merr vet hapat e vet që kanë të bëjnë me territorin dhe komunat veriore atje dhe me qytetarët në veri të vendit”, ka thënë ai
Sipas tij, vizita e fundit të ndërkombëtarëve që po bëhen në Kosovë kanë vetëm një qëllim, që situata në veri të vendit të qetësohet, shkruan FrontOnline
“Po mendoj që pikërisht vizitat e tilla sot nga 2 kryeministrat e këtyre 2 vendeve e po ashtu edhe vizita e Lajçaut është pikërisht në drejtimin e asaj që situata të shtensionohet me një bashkëpunim të ngushtë mes Qeverisë së Kosovës dhe institucioneve të BE-së, apo vendeve të BE-së, pasi që mesazhi edhe u dha se çdo shtensionim sjellë paqe për të gjithë dhe çdo tensionim sjellë humbje për të gjithë edhe për vet Bashkimin Evropian do të ishte një humbje e madhe”, ka shtuar Arifi.
