Lista Serbe ka reguar pas shpërthimit të fuqishëm që ndodhi pas mesnate në veri të Mitrovicës, në lagjen “3 Rrokaqiejt”, duke e dënuar ashpër në emër të popullit serb, transmeton InLajmi.
“Në emër të popullit serb, dënojmë ashpër incidentin që ndodhi mbrëmë kur persona të panjohur hodhën shok-bombë pranë lagjes “3 Rrokaqiejt” në veri të Mitrovicës dhe shkaktuan shqetësimin e qytetarëve tanë”, thuhet në reagimin e Listës Serbe.
Tutje thuhet në reagim se “kjo është bërë qëllimisht për të justfikuar shtimin forcave speciale të armatosura dhe automjeteve të blinduara që mbrëmë pas këtij incidenti kanë qenë në rrugët e Mitrovicës, duke i frikësuar qytetarët”.
“Hedhja e fishekzjarrëve apo mjeteve të ngjashme piroteknike nuk është krim në vetvete, por ajo që na shqetëson është se falsifikimi i incidenteve të tilla që qëllim kanë krijimin e alibisë për praninë e forcave speciale të Kurtit në mjediset serbe, dhe represionin e vazhdueshëm ndaj popullit tonë, si dhe arrestime të pabaza”, thuhet në reagimin Partisë serbe.
Për më tepër përmes këtij reagimi, Lista Serbe kërkon nga KFOR-i dhe EULEX-i që të forcojnë praninë e tyre në veri të Kosovë, veçanërisht në veri të Mitrovicës.
Sipas këtij subjekti prania e shtuar e KFOR-it do të “parandalonte incidente të sajuara”/InLajmi/.
