Një shpërthim i fuqishëm ka dridhur mbrëmë në ora 12:50 veriun e Mitrovicës.
Banorët e lagjes “Tre Rrokaqiejt” ku ndodhi shpërthimi thanë për “Mitropol” se ky ishte shpërthimi më i fuqishëm që ka ndodhur gjatë viteve të fundit dhe dyshimet janë se është hedhur një granatë dore.
Mjeti shpërthyer u hodh në drejtim të një veture të tipit ‘Shkoda’ e cila është djegur dhe ka shkaktuar tym të madh, me ç’rast është larguar nga vendi ku u djegur pas rreth një ore, në ora 01:50.
Zëvendëskomandanti i policisë në Veri, Veton Elshani, e ka konfirmuar shpërthimin në afërsi të lagjes “Tre Rrokaqiejt” që ka ndodhur mbrëmë pas mesnatës.
Ai tha se nuk është lokalizuar ndonjë vend se ku ka ndodhur shpërthimi, derisa shtoi se mjeti i cili dyshohet se ka shpërthyer në atë zonë, ka qenë shok-bombë.
“Sot me datën 03.07.2023 rreth orës 00:52 , është pranuar një informatë se në rrugën Kolashini te tre rrokaqiejt është dëgjuar një detonim/shpërthim. Njësitet policore kanë dalur dhe kanë patrulluar në atë lokacion, njëkohësisht kanë biseduar me disa qytetar, por nuk është lokalizuar ndonjë vend se ku ka ndodhur detonimi/shpërthimi. Mjeti i cili dyshohet se ka shpërthyer në atë zonë, ka qenë shok-bomb, dhe nuk është hasur në dëme anësore, shkruan Gazeta Express.
Pas shpërthimit dhe djegies së veturës, ekipe të rendit publik dhe ekipe nga Njësia Speciale e Policisë së Kosovës kanë dalë të patrullojnë në rrugët e veriut të Mitrovicës.
