Ministrja e Arsimit dhe Shkencës Arbërie Nagavci bëri të ditur se janë publikuar rezultatet e provimit shtetëror të maturës, ku kalueshmëria në afatin e parë është 66.04%, përcjell InLajmi.
Nagavci tha se në krahasim me vitet e kaluara menaxhimi i provimit ka qenë më i mirë, ndërsa ishin të angazhuar rreth 1600 administrues në çdo sallë të testimit.
Ministrja falënderoi të gjithë ata që kanë qenë të përfshirë në provimin e maturës për kontributin dhe bashkëpunimin e tyre, si dhe maturantëve i’u uroi suksese tutje.
Ndryshe, provimi i matures u mbajt më 24 qershor, në të cilin u nënshtruan mbi 20.000 nxënës.
Postimi i plotë i saj:
Kemi publikuar sot rezultatet e provimit shtetëror të maturës. Këtë vit, kalueshmëria në afatin e parë është 66.04%.
Provimit të maturës i cili u mbajt më 24 qershor i janë nënshtruar mbi 20.000 nxënës të klasave të 12-ta në gjithë vendin.
Në këtë proces kanë qenë të angazhuar rreth 1600 administrues të cilët kanë qenë të vendosur në çdo sallë të testimit dhe po ashtu mbikëqyrës nga Universiteti i Prishtinës.
Në krahasim me vitet e kaluara, menaxhimi i provimit ka qenë më i mirë. Megjithatë, jemi të vetëdijshëm se akoma ka hapsirë për përmirësim dhe jemi duke punuar në këtë drejtim.
Falenderoj të gjithë ata që kanë qenë të përfshirë në provimin e maturës për kontributin dhe bashkëpunimin e tyre.
Maturantëve ju dëshiroj shumë suksese në karrierën e tyre akademike e profesionale!/InLajmi/
