Shefja e Grupit Parlamentar të Lëvizjes VetëVendosje Mimoza Kusari-Lila, tha se për shkak të mungesës së nënkryetarit të Lidhjes Demokratike të Kosovës Kujtim Shala, mbledhja e Kryesisë ka dështuar, raporton InLajmi.
Kusari-Lila tha se mungesa në mbledhje nuk ishte paralajmëruar, duke shtuar se i mbetet kryetari që të vendos për mbajtjen ose jo të një seance të re.
“Sot siç mund ta shini nuk është mbajtur mbledhja e Kryesisë së Kuvendit. Mungoj nënkryetari i LDK-së Kujtim Shala, nuk kishim një paralajmërim nga ta. Tash mbetët që në kompetencë të kryetarit të Kuvendit të vendos për seancë të re”, tha Kusari-Lila.
Shefja e Grupit Parlamentar të VV-së bëri të ditur se kreu i Kuvendit Glauk Konjufca, pati një kërkesë për të gjitha partitë që punë e Kuvendit dhe politikë t’i ndajnë nga njëra-tjetra.
“Sot kryetari deklaroi që është mirë që partitë të mbajnë një qëndrim të veçantë me Kryesinë, sepse ajo duhet që të ndahet nga politika. Sot ishin 3 nënkryetar të Kuvendit, ajo çka mund të themi që përgjëgjësitë dhe detyrat e secilit janë të përcaktuara”, shtoi ajo./InLajmi/
