Varrezat janë në thelb vende të zymta e të trishta, por një libër i ri i titulluar “Qytetet e të vdekurve: Varrezat më të bukura në botë”, përpiqet të tregojë bukurinë që ato fshehin.
Libri i Yolanda Zappaterra shfaq disa prej varrezave më unike që përfshijnë një vend memorial australian me pamje nga deti Tasman, një varrezë të mbushur me bimë në shtetin amerikan të Xhorxhias dhe një varrezë viktoriane në Bristol.
“Disa janë zgjedhur për pamjen e tyre mahnitëse, por të tjera për periudhat historike dhe kulturore të rëndësishme globale që ato shënojnë, njerëzit e famshëm që prehen në to ose vendndodhjen e tyre”, shkruan në nisje të librit autorja.
VARREZA SAO JOAO BATISTA, RIO DE JANEIRO, Brazil U hap në 1852 dhe është e vendosur midis statujës së dashur të Krishtit dhe këndeve të lojërave të plazhit Copacabana. Mbi 25.000 varre mbajnë eshtrat e rreth 70,000 njerëzve në këtë vend.
GLASGOW NECROPOLIS, Skoci Zappaterra e përshkruan këtë varrezë të vitit 1831 si “të qetë dhe pak magjepsëse”, duke vënë në dukje se “është një lloj vendi ku është e lehtë të humbasësh”.
VARREZA HIGHGATE, LONDËR, Angli Themeluar në vitin 1839, ky vend është i ndarë në 2 pjesë, varrezat Lindore dhe Perëndimore.
VARREZA E RRUGËS SOUTH PARK, KOLKATA, Indi U krijua në 1767, me vendndodhjen e saj të përcaktuar nga Kompania e Indisë Lindore.
VARREZA SKOGSKYRKOGARDEN WOODLAND, STOCKHOLM, Suedi, Kjo varrezë e mrekullueshme, ku 10.000 pemë pisha shfaqen mbi gurët e varreve, u krijua në vitin 1920 dhe është projektuar nga dy arkitektë që vendosën ‘përvojën e zisë’ në qendër të projektimit të tyre.
VARREZA GLENDALOUGH, CO. WICKLOW, Irlandë Të vizitosh këtë varrezë është një udhëtim 1000 vjeçar prapa në kohë. Është e vendosur në një nga pikat më të piktoreske të vendit, në një luginë akullnajore të pyllëzuar thellë në zemër të maleve.
PERE LACHAISE, PARIS, Francë Që nga hapja në 1804 vendosi standardin e artë për dizajnin e varrezave që zëvendësoi varrezat e varfra, johigjienike, klaustrofobike të brendshme të qytetit me peizazhe të gjera ku kombinohen arkitektura, kultivimi i pemëve dhe peizazhi.
VARREZA WAVERLEY, SYDNEY, UELSI I RI JUGOR, Australi, Zappaterra thotë se ky vend duhet të jetë një nga mjediset më të bukura që mund të imagjinohet për një varrezë. E vendosur midis plazheve Coogee dhe Bronte, rreth 50,000 varre shohin në drejtim të ujërave të thella blu të detit Tasman.
VARREZA BONAVENTURA, SAVANNAH, GEORGIA, SHBA Sipas Zappaterra, kjo varrezë e krijuar në 1846, strehon një ‘bollëk jete’, shkruan A2CNN
VARREZA ARNOS VALE, BRISTOL, Angli Kjo varrezë, e cila është e rrethuar nga periferitë e Bristolit u krijua në 1837 si një vendvarrimi në format parku për bristolianët e pasur larg nga kishat e tyre të rënda dhe josanitare.
