Ministri i Mjedisit, Planifikimit Hapësinor dhe Infrastrukturës Liburn Aliu përmes një postimi ka treguar se është nënshkruar marrëveshja me UNDP-në për bashkëpunim për veprime klimatike, përcjell InLajmi.
Aliu përmendi rezultatet kyqe që priten të jenë forcimi i strukturave politike, ligjore dhe institucionale, të nevojshme për zbatimin e Agjendës për Klimën dhe Mjedisin në Kosovë, me fokus të veçantë përshtatjen ndaj ndryshimeve klimatike, zbatimin e projekteve pilot për promovimin e qëndrueshmërisë mjedisore dhe përshtatjes ndaj ndryshimeve klimatike, me potencial të lartë për zgjerim, mbështetjen e digjitalizimit të të dhënave mjedisore dhe forcimin e infrastrukturës digjitale për iniciativa të qëndrueshme dhe zhvillim të qëndrueshëm.
Tutje ministri tha se së bashku po përshpejtojmë agjendën klimatike dhe mjedisore të Kosovës
Postimi i plot i tij:
Ministria e Mjedisit, Planifikimit Hapësinor dhe Infrastrukturës&UNDP
Kemi nënshkruar marrëveshje me UNDP Kosovo për bashkëpunim për veprime klimatike.
Rezultatet kyçe të këtij bashkëpunimi do të jenë:
Forcimi i strukturave politike, ligjore dhe institucionale, të nevojshme për zbatimin e Agjendës për Klimën dhe Mjedisin në Kosovë, me fokus të veçantë përshtatjen ndaj ndryshimeve klimatike!
Zbatimin e projekteve pilot për promovimin e qëndrueshmërisë mjedisore dhe përshtatjes ndaj ndryshimeve klimatike, me potencial të lartë për zgjerim!
Mbështetjen e digjitalizimit të të dhënave mjedisore dhe forcimin e infrastrukturës digjitale për iniciativa të qëndrueshme dhe zhvillim të qëndrueshëm!
Së bashku, po përshpejtojmë agjendën klimatike dhe mjedisore të Kosovës!/InLajmi/
