Pasi Qeveria e Kosovës shpalli organizata terroriste “Mbrojtjen Civile” dhe “Brigadën e Veriut”, reagon Lista Serbe e cila thotë se ku vendi është pjesë planit për të vazhduar terrorin politik, arrestimet e serbëve nga forcat speciale të Kurtit në veri të vendit, transmeton InLajmi
Tutje në reagimin e Listës Serbe, thuhet se “Se në vend të deeskalimit veprimet e Kurtit tregojnë se ai po planifikon përshkallëzim të mëtejshëm, represion dhe konsolidim të autoritetit parapolicor e okupues në veri të Kosovës”.
Sipas Listës Serbe ”Brigada e Veriut” është një organizatë e cila ekziston në kokën e Kurtit dhe Mbrojtja Civile është integruar vite më parë me ish-punëtorët e saj në institucionet e Kosovës, prej të cilave këta punëtorë marrin paga edhe sot.
“Vendimi i regjimit të Kurtit vjen pas ngjarje që ai me sa duket kishte përgatitur, kur u gjet një automjet fantom me një lloj arme, i cili mund të futej në një kamion dhe jo në një makinë pasagjerësh, por edhe pasi në afërsi u hodh një lloj mjeti ndezës afër objektit të Komunës së Mitrovicës Veriore”, thuhet reagimin e Listës Serbe.
Lista Serbe tutje sqaron se në të2-ja rastet “vendngjarja ndodhet në një parametër që kontrollohet prej javësh nga forcat speciale të Kurtit, nga kamerat e tyre dhe dronët dhe pajisjet e tjera të vëzhgimit”.
“Kurti krijoi një sistem unik që nuk është gjë tjetër veçse një gjueti shtrigash në shekullin e 21-të, sipas të cilit organizatat inekzistente, të cilat nuk janë parë asnjëherë publikisht, as kanë marrë përgjegjësinë për një sulm terrorist, shpallen organizata terroriste”, vlerëson Lista.
Në fund të reagimit Lista Serbe kërkon nga KFOR-i dhe EULEX-i që urgjentisht t’i dislokojnë forcat e tyre në të gjitha pikat në veri të Kosovës dhe të marrë veprime parandaluese sië thuhet në reagim për të penguar “Kurtin të realizojë planin e tij djallëzor që rrezikon paqen në këtë zonë”. /InLajmi/
