Zëvendëskryeministri i parë i qeverisë së Serbisë dhe ministri i Punëve të Jashtme Ivica Daçiq, tha se ka biseduar me Sekretarin e Shtetit të Norvegjisë, gjegjësisht zëvendësministrin e Punëve të Jashtme, duke treguar se norvegjezët kanë marrë vendim për mbylljen e ambasadës në Prishtinë, transmeton InLajmi.
Ndërsa përmendi mbylljen e ambasadës norvegjeze, Daçiq përsëri doli të ishte i pa interesuar se çfarë do të bëjë Norvegjia.
Siç tha ai është çështje e tyre e brendshme, ndërkohë që shpalosi histiorikun e shpërbërjes së Jugosllavisë.
“Është çështje e tyre e brendshme. Ai njeri më pyeti se çfarë mendojmë për Rusinë. Dhe pastaj i thashë se gjatë rënies së Bashkimit Sovjetik që kishte 15 republika dhe ish-Jugosllavia kishte 6 republika e 2 krahina. Doja të thoja se u vendos zyrtarisht ose jozyrtarisht që ato të ndaheshin përgjatë kufijve ndër republikanë dhe se janë të pacenueshëm. Dhe tani ndodhi që u shpërbënë. Dhe kjo është arsyeja pse ne tani kemi një histori nga Amerika nga perëndimi, se Kosova është një histori tjetër, se ata kanë të drejtë dhe nga ana tjetër, vetë Rusia duke dashur të justifikojë veprimet e saj, nuk na sjell në një pozitë të mire”, tha Daçiq në tv Pink.rs.
Më pas Daçiq shtoi se në Kosovë është hapur kutia e Pandorës, nga e cila nuk e dimë se çfarë do të dalë.
Ai përsëri ndalet tek kryeministri Albin Kurti për të cilin thotë se tendenca e tij është që të bëjë atë çka edhe e imagjinon.
“Duart e tij janë të lira për të zbatuar atë që ai imagjinon. Shtrohet pyetja se si erdhi ky koncesion, që të duket se ata mund të bëjnë çfarë të duan. Pyetja është nëse e bëjnë vetëm, apo me mbështetjen e dikujt, dhe nëse e bëjnë me mbështetjen e dikujt, pyetja është kush?”, u shpreh Daçiq /InLajmi
