Nënkryetari i Komunës së Ferizajt, Lulzim Aliu, bashkë me drejtorin e Shëndetësisë dhe Mirëqenies Sociale kanë vizituar nga afër Qendrat e Mjekësisë Familjare në fshatin Dardani dhe Komogllavë, përcjell InLajmi.
Ata deklaruan se këto 2 qendra do të punojnë më kapacitete të plota, duke përfshirë këtu edhe sektorin e stomatologjisë dhe shërbimet bazë të laboratorit.
Përveç këtyre 2 qendrave drejtyuesit bënë të ditur se Qendra e Mjekësisë Familjare në Neredime është rinovuar në tërsi.
Njoftimi i plotë nga Komuna e Ferizajt:
Fillojnë punën QMF në fshatin Dardani dhe Komogllavë pas renovimit
Këtë të premte Nënkryetari i Komunës së Ferizajt, Lulzim Aliu, bashkë me drejtorin e Shëndetësisë dhe Mirëqenies Sociale Dr. Kemajl Eminin, drejtoren e QKMF-së Dr.Nadrie Ymerin, zv.drejtorin e QKMF-së Dr. Afrim Abazin si dhe Dr. Xhevdet Haxhidemën, kanë vizituar nga afër Qendrat e Mjekësisë Familjare në fshatin Dardani dhe Komogllavë.
U tha se këto 2 qendra do të punojnë më kapacitete të plota, duke përfshirë këtu edhe sektorin e stomatologjisë dhe shërbimet bazë të laboratorit.
Gjatë ditës poashtu është vizituar edhe Qendra e Mjekësisë Familjare në Neredime, e cila është rinovuar në tërësi. Në këtë qendër shëndetësore do të ofrohen shërbimet e mjekut familjar dhe të stomatologut, ndërsa pritet që së shpejti të fillojë së funksionuari edhe shërbimet laboratorike. /InLajmi/
