Nënkryetarja e PDK-së, Vlora Çitaku ka reaguar pasi Qeveria e Kosovës i shpalli organizata terroriste “Mbrojtjen Civile” dhe Brigadën e Veriut”, përcjell InLajmi
Çitaku ka komentuar deklarimin e SHBA-së, Britanisë së Madhe dhe Gjermanisë së nuk kanë qenë në dijeni se këto 2 grupacione do të shpallen si organizata terroriste.
Ajo ka shtuar se me këtë qasje aventureske nuk po rrezikohet vetëm veriu, por gjithë Kosova dhe ajo çka është arritur deri më tani.
Postimi i plotë i saj:
Ja në çfarë niveli kemi arritë në raportet tona me aleatët.
SHBA, Britania e Madhe dhe Gjermania publikisht demantojnë Ministrin e Punëve të Brendshme të Kosovës lidhur me vendimin e djeshëm për dezignimin e 2 organizatave si terroriste.
Kjo qeveri çdo ditë e më shumë po e rrënon kredibilitetin e Kosovës në arenën ndërkombëtare.
Nëse për çështje kaq të ndjeshme të sigurisë qeveria nuk koordinohet me SHBA, U.K dhe Gjermaninë, e megjithatë deklarohet se ka pasur koordinim me ndërkombëtarët, pyetja është me kë janë bashkërenduar?!!! Me cilët ndërkombëtarë?
Me këtë qasje avantureske nuk po rrezikohet vetëm veriu i vendit, por tërë Kosova dhe gjithçka që është arritur me shumë mund dhe sakrificë. /InLajmi/
