Kryeministri i vendit, Albin Kurti ka uruar qytetarët për festën e Kurban Bajramit, përcjell InLajmi
Kurti deklaron se në festë e sakrificës të bëhemi edhe më solidarë e më zemërgjerë me të tjerët.
Përmes saj heq dorë nga të qenit në qendër, për t’u bërë qendra e të tjerëve.
Postimi i plotë i tij:
Gëzuar e me fat Kurban Bajrami!
Sakrifica gjithmonë ka për synim tjetrin, jo veten. Të mirën e përgjithshme, jo të mirat vetanake. Ajo është shërbim dhe përkushtim, që nganjëherë të pakëson, por gjithmonë të lartëson. Përmes saj heq dorë nga të qenit në qendër, për t’u bërë qendra e të tjerëve.
Në festën e sakrificës, le të bëhemi edhe më solidarë e më zemërgjerë me të tjerët, për të mirën e përgjithshme, me ata që na rrethojnë. Sot, nesër, çdo ditë të vitit. /InLajmi/
