Presidenti serb Aleksandar Vuçiq, duke folur për situatën në veri të Kosovës, duke aluduar tek udhëheqja e shtetit të Kosovës tha se të gjithë në botë e dinë se kush po përpiqet të përshkallëzojë situatën në veri, transmeton InLajmi.
Ndërsa akuzon udhëheqjen e Kosovës për përshkallëzimin e situatës, Vuçiq tha Serbia po bën çmos për të ruajtur paqen dhe është e gatshme të bëjë kompromis.
I pyetur për deklarimet e Ministrisë së Punëve të Brendshme të Kosovës se shpërthimi në pjesën veriore të Mitrovicës ishte akt terrorist, Vuçiq nuk komentoi por vetëm pyeti: “A është si ai me armën e gjetur para Komunës së Zveçanit që arritën në duart e policëve të Kosovës dhe KFOR-it”
Nuk deshi të komentoj më shumë për tensionet në veri të Kosovës, por presidenti Vuçiq tha se do të ketë situata të vështira.
“Pres situata të vështira e shumë probleme për Kosovën”, u shpreh Vuçiq, shkruan Danas.
“Shumë probleme dhe shumë dhimbje, por nuk është e djeshme. Ekziston një nervozizëm i madh për situatën në Ukrainë dhe më pas disa mendojnë se ne duhet të paguajmë çmimin për pritjet e tyre të paplotësuara”, u tha Vuçiq gazetarëve në Valevë.
