Mbrëmë pas mesnate, në Mitrovicën Veriore është sulmuar me granatë dore, objekti i komunës.
Si pasojë e kësaj janë dëmtuar 2 vetura.
Ky sulm nga institucionet e vendit po vlerësohet si sulm i organizuar terrorist.
Ndërsa, vetëm 4 ditë më parë në Zveçan, Policia e Kosovës ka arritur të konfiskojë një arsenal armësh, e që sipas ministrit të Punëve të Brendshme Xhelal Sveçla me këtë është parandaluar një sulm terrorist
Ish-zëvendësministri i Punëve të Brendshme, Valdet Hoxha thotë se këto janë skenarë të mirë menduara nga presidenti serb Aleksandër Vuçiq.
E, kjo sipas Hoxhës po bëhet vetëm për qëllim të eskalimit të situatës e në fund serbët të paraqiten si viktima.
Kurse, shton se më këtë po dëshirojnë të provokojnë konflikt ndër etnik në Kosovë, shkruan FrontOnline
“Tash botërisht po dihet që këto sulme janë të sponsorizuara nga Beogradi dhe këtë e kemi të konfirmuar edhe nga organet e sigurisë së Republikës së Kosovës të cilët para disa ditëve i arrestuan disa shtetas serb me një arsenal të madh ushtarak me potencial të mundshëm për sulm terrorist dhe natyrisht epilogun e rastit ende nuk e dimë, por që këto raste kanë indicie të sulmeve terroriste me të vetmin qëllim eskalimin e situatës për ta provokuar një konflikt ndër etnik në Kosovë dhe natyrisht për ta fajësuar palën kosovare”, është shprehur Hoxha.
