Drejtori i Zyrës për Kosovë, Petar Petkoviq, për lirimin e 3 policëve të Kosovës tha se është vendimi i Gjykatës së Lartë në Kralevë edhe përkundrejt konfirmimit të aktakuzës ata u liruan për t’u mbrojtur në liri është vendim i drejtësisë e nuk është vendim politik, transmeton InLajmi.
Ai shtoi se procesi gjyqësor vazhdon, duke pasur parasysh se 3 “forcat speciale të Kurtit” akuzohen për veprën penale të mbajtjes pa leje të armëve dhe lëndëve shpërthyese në përputhje me Kodin Penal të Republikës së Serbisë.
“Ne këtu kemi një vendim gjykate, pavarësisht nëse jemi të kënaqur apo jo, Serbia është shtet ligjor dhe këtu duhet të respektohen vendimet e gjykatave, ndryshe nga Prishtina ku nuk ka gjykatë, nuk ka gjykatës, as prokurori, por të gjitha vendimet i marrin Kurti dhe Sveçla, të cilët arrestojnë serbët me lista, paraqesin prova inekzistente dhe gjithçka që është në kundërshtim me qasjen që mbizotëron në Serbinë qendrore”, tha Petkoviq.
Ai tha se Serbia do të vazhdojë të luftojë për çdo serb të arrestuar në veri të Kosovës dhe theksoi se nuk do të ketë bisedime me kryeministrin Albin Kurti, derisa të gjithë të jenë të lirë.
“Problemi është se në Prishtinë nuk keni shtet ligjor, por i çmenduri Kurti që arreston, paraqet prova dhe i mban njerëzit në paraburgim. Në Serbinë qendrore, ju keni shtetin ligjor ku ekziston një sistem i pavarur gjyqësor që merr vendimet e veta. Kjo është karakteristikë e gjykatës, jo vendim politik. Ne do të vazhdojmë të luftojmë për secilin serb”, tha Petkoviq për Tanjug.
Siç tha ai, në këtë moment do të bëhet presion i veçantë ndaj përfaqësuesve të bashkësisë ndërkombëtare, të cilët duhet të bëjnë gjithçka që serbët të jenë të lirë.
“Ky është kusht për vazhdimin e dialogut ndërmjet Beogradit dhe Prishtinës”, tha Petkoviq /InLajmi/.
