Një përleshje fizike ka ndodhur të hënën në Zllatar të Prishtinës, si pasojë një person është plagosur dhe një tjetër ka marrë lëndime trupore, përcjell InLajmi.
Rastin e ka konfirmuar nga Policia e Kosovës për Gazetën InLajmi.
“Sot rreth orës 18:00, kemi marrë informatën për të shtëna me armë zjarri në lagjen Zllatarë, në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në të dhënat fillestare, në këtë rast janë lënduar 2 persona. Njëri nga personat dyshohet se është lënduar gjatë përleshjes fizike, ndërsa tjetri dyshohet se me armë zjarri është vetëplagosur”, u deklaruan nga Policia
Të 2 personat e lënduar janë dërguar për tretman mjekësor.
Hetuesit policor në koordinim me prokurorinë, po ndërmarrin veprimet hetimore për ndriçimin e plotë të rastit.
