Peja u prek nga vërshime të mëdha në natën mes të shtunës dhe të dielës.
Si pasojë 2 persona humbën jetën e dy tjerë u lënduan. Pati edhe dëme materiale.
Për të ditur vlerën e saktë të tyre, nënkryetari pejan Fatmir Asllani thotë se kanë krijuar një komision, mbi gjetjet e të cilit edhe do të bëhet kompensimi.
“Situata është normale të hënën. Jemi duke i sanuar problemet, kemi krijuar komisionet për vlerësime të dëmeve që të ndihmohen të prekurit”, u shpreh Asllani
Komuna nuk ka buxhet vetanak për mbulimin e kostos financiare të dëmeve.
Andaj gjithçka do të varet nga përkrahja e nivelit qendror.
“Raportet e dëmeve i përcjellim në Qeveri, ku pastaj vendoset për shkallën e dëmeve dhe shumën endihmesës. Na duhet mbështetja e ekzekutivit”.
Gatishmëri për këtë s`është që nuk kanë marrë.
“Ministrat na kanë premtuar që do të bëjnë të pamundurën me ju ndihmu qytetarëve”, theksoi Asllani për “Front Online”.
Komuna e Pejës ka formuar shtabin emergjent, një ditë pasi në këtë qytet pati vërshime të mëdha.
