Shteti i Shqipërisë ka shprehur gatishmërinë për të ndihmuar qytetarët e Pejës pas vërshimeve që ndodhën mbrëmë.
Kjo është bërë e ditur përmes një njoftimi nga Ministri i Mbrojtjes i Shqipërisë, Niko Peleshi,
Ai ka shprehur ngushëllime familjes Ademaj në Pejë, e cila humbi 2 anëtarë si pasojë e vërshimeve.
Më tutje Peleshi tha se ka komunikuar me kryetarin e komunë së Pejës, Gazmend Muhaxherin dhe ka shprehur gatishmëri për t’i dalë në ndihmë qytetarëve.
“Komunikova me kryetarin e komunës së Pejës Gazmend Muxhaheri, të cilit edhe në emër të Kryeministrit i shpreha ngushëllimet dhe gatishmërinë për mbështetje në çdo kohë që banorët e Pejës dhe Kosovës të kenë nevojë”, ka shkruar ai.
Qyteti i Pejës, u përball me vërshime gjatë pasditës së të shtunës, për shkak të së cilave mbetën dy viktima dhe u shkaktuan shumë dëme.
