Mushkonjat që bartin viruse si “denga” dhe “chikungunya” janë zhvendosur në pjesë të reja të Evropës, duke rritur rrezikun e sëmundjeve, paralajmërojnë ekspertët kryesorë.
Shkencëtarët evropianë thonë se valët më të shpeshta të të nxehtit dhe përmbytjet, dhe vera më të gjata dhe më të ngrohta, kanë krijuar kushte më të favorshme për insektet.
Ata po bëjnë thirrje për masa më të mira për të kontrolluar dhe mbrojtur kundër mushkonjave.
Pa këto, mundet që shumë njerëz të sëmuren ose vdesin nga nga sëmundjet e shkaktuara nga mushkonjat, thonë ata.
Raporti, nga Qendra Evropiane për Parandalimin dhe Kontrollin e Sëmundjeve (ECDC), gjurmon përhapjen e llojeve të ndryshme të mushkonjave që mund të bartin dhe transmetojnë një numër të ndryshëm virusesh te njerëzit.
Këto përfshijnë dengën dhe Zika të cilat mund të shkaktojnë një sërë simptomash si ethe dhe dhimbje muskujsh, dhe në rastet më të këqija i bëjnë njerëzit jashtëzakonisht të sëmurë.
Raporti i ECDC sugjeron këtë vit, mushkonja Aedes albopictus (e njohur si bartëse e dengës dhe chikungunya) “u vendos” në 13 vende në Evropë që do të thotë se ka zhvilluar një popullsi të vetëqëndrueshme që po riprodhohet krahasuar me 8 vende evropiane një dekadë më parë.
Ndërkohë, vitin e kaluar, Aedes aegypti, i cili mund të përhapë sëmundje si ethet e verdha, Zika dhe virusi i Nilit Perëndimor, u krijua në Qipro dhe shkencëtarët paralajmërojnë se mund të vazhdojë të përhapet në vende të tjera.
Andrea Ammon, drejtor i ECDC, tha:“Vitet e fundit kemi parë një përhapje gjeografike të specieve pushtuese të mushkonjave në zonat e paprekura më parë në BE/EEA. Nëse kjo vazhdon, ne mund të presim të shohim më shumë raste dhe ndoshta vdekje nga sëmundje të tilla si dengoja, chikungunya dhe ethet e Nilit Perëndimor. Përpjekjet duhet të përqendrohen në mënyrat për të kontrolluar popullatat e mushkonjave, duke rritur mbikëqyrjen dhe zbatimin e masave mbrojtëse personale.”
Dengoja (e përhapur nga mushkonjat që kafshojnë gjatë ditës) mund të shkaktojë ethe, dhimbje koke të forta, dhimbje prapa syve, dhimbje muskujsh dhe kyçesh dhe skuqje.
Shumica e rasteve të virusit të Nilit Perëndimor nuk shkaktojnë simptoma, por kur njerëzit sëmuren, virusi mund të shkaktojë dhimbje koke, lodhje të rëndë, dhimbje muskujsh, të vjella, skuqje dhe dhimbje sysh, shkruan TopChannel.
Simptomat më të zakonshme të virusit chikungunya janë ethet dhe dhimbjet e kyçeve, së bashku me dhimbje koke, dhimbje muskulore dhe skuqje.
