Deputeti i Lidhjes Demokratike të Kosovës Avduallah Hoti, ka bërë krahasimin e të dhënave të Agjencisë së Statistikave të Kosovës, kushtet e jetës në Kosovë në vitin 2020 dhe 2022, përcjell InLajmi.
Deputeti i LDK-së tha se gjatë vitit 2020 rreth 12.7% e ekonomive familjare kishin vështirësi të mëdha në kryerjen e pagesave të nevojshme marrë parasysh të ardhurat totale dhe gjendjen për të kryer pagesat e nevojshme të zakonshme.
Hoti tutje shtoi se gjatë vitit 2022, 19% e ekonomive familjare nuk kanë mundur të përballojnë pagesat, 2 herë ose më shumë gjatë vitit.
Postimi i plotë i tij:
Çfarë ka ndodhur me kushtet e jetës në Kosovë?
2020:
Rreth 12.7% e ekonomive familjare kishin vështirësi të mëdha në kryerjen e pagesave të nevojshme marrë parasysh të ardhurat totale dhe gjendjen për të kryer pagesat e nevojshme të zakonshme.
2022:
19% e ekonomive familjare nuk kanë mundur të përballojnë pagesat, 2 herë ose më shumë gjatë vitit.
(Burimi i të dhënave: Agjencia e Statistikave të Kosovës)/InLajmi/
