Në shkollën fillore “Mustafa Bakiu” në Prizren, këto ditë, në mënyrë solemne u bë hapja e ekspozitës të nxënëses në klasën e VII-të të kësaj shkolle, Tuana Gllogjanim, shkruan InLajmi.
Mbi 20 punime artistike të krijuara me laps dhe ngjyra, ishin pjesë e ekspozitës mbreslënësë, që u organizua në holin e shkollës “Mustafa Bakiu” në Prizren, e që zgjoi interesim të madh jo vetëm tek nxënësit, por edhe tek kolektivi i kësaj shkolle si dhe qytetarët tjerë, adhurues të artit.
Ekspozitën e hapi drejtoresha e kësaj shkolle Behare Kryeziu, e cila mes tjerash tha; “Jemi të lumtur që në mesin tonë kemi një nxënës shembullore dhe talente arti, sikur që është Tuana Gllogjani, e cila edhepse në shkollën tonë erdhi t’i vijon mësimet nga shtatori i vitit 2022, me punë dhe nota të mira, arriti të renditet ndër nxënëset më të mira në shkollën tonë”
Kuratori i kësaj ekspozite, arsimtari i artit figurativ në këtë shkollë, Gent Smani përndryshe piktor akademik, i entuziazmuar me talentin e Tuanës, e ndihmoi të përgatitet për këtë ekspozitë, si një ngjarje e veçantë kulturore jo vetëm për këtë shkollë.
“Nxënësja Tuana Gllogjani, ka një talent të rallë dhe një imagjinatë të shkëlqyer në punimet e saja. Këtë e kam vërejtur që nga ditët e para, kur u regjistrua si nxënëse në klasën e VII-të, në shkollën tonë. Uroj që edhe në vitiet në vijim, Tuana të vazhdoj të punoj në perfeksionimin e talentit dhe të na kënaq me punime dhe ekspozita të tjera”. – tha në fund për InLajmin, Gent Smani.
Ndërkaq, gjatl bisedës me Tuanën, nxënëse shembullore, e cila ishte e lumtur për organizimin e kësaj ekspozite, veçuam vetëm një fjali; “E dua artin dhe jetoj për artin figurativ”.
Të theksojmë se kjo është ekspozita e dytë me punime nga arti figurativ, e nxënëses trembëdhjetë vjeçe Tuana Gllogjani. Ekspozitën e parë e kishte hapur vitin e kaluar, në shkollën fillore “Hasan Prishtina” në Prishtinë, ku i kreu gjashtë klasë të fillores, e që nga drejtoria e shkollës ishte shpërblyer me Mirënjohjen speciale. Osman Goranci /InLajmi/
