Kryetari i Grupit Parlamentar të AAK-së, Besnik Tahiri, gjatë deklarimit të tij në seancë tha sministri Hekuran Murati është thirrur në interpelancë për çështjen e “Rishikimi i buxhetit të Republikës së Kosovës dhe rritja e pagave në sektorin publik”, raporton InLajmi.
Ai kangritur shqetësimin për rënien ekonomike në vend, duke paralajmëruar kolaps në ekonomi.
“Ekonomia e Kosovës e ka rënien më të madhe në historinë e vet, ajo në vitin 2021 ka pasur ngritje vetëm 3 për qind, derisa trendet e vitit 2023 janë dhe më të këqija. Me dinamikën qe e kemi këtë vit mund të pritet që vendi dhe ekonomia të bie në një kolapsim apo dështim të plotë”, tha Tahiri.
Tahir ka vazhduar me kritika ndaj qeverisë, duke përmendur kështu menaxhimin e fondeve publike, për çka tha ai se është joprovesional.
“Menaxhimi i fondeve publike për më shumë se 2 vite nga qeveria është i dobët, jo profesional, partiak e politik, si dhe është i dëmshëm për vendin. Po këtyre, edhe paga minimale me ligjin që është propozuar nga qeveria është në disproporcion të madh, këtë ligj e ka votuar komisioni, qeveria dhe ministria nuk e ka thënë asnjë fjalë”, u shpreh deputeti Tahiri.
Ndërkohë seanca po vazhdon me interpelencën e ministrit Hekuran Murati./InLajmi/
