Duke marrë fjalën në kohën e pyetjeve parlamentare në seancën e Kuvendit, deputeti i PDK-së, Hajdar Beqa ka ngritur shqetësimin për moskujdesin e duhur të qeverisë për protezat për veteranët e UÇK-së, raporton InLajmi.
Meqë në seancë mungoi kryeministri Albin Kurti, Beqa pyeti ministrin e financave Hekuran Muratin se pse nuk është po i’u mundësohet mirëmbajtja e protezave dhe vendosja e protezave të reja për veteranët.
“Sot e kam këtë çështje për ta ngritur, ne sot po festojmë 24-vjetorin e lirisë, njerëzit që kanë dhënë për këtë liri janë në kushte të vështira. Pse nuk ka shërbim për invalidët e UÇK për mirëmbajtjen e protezave apo vendosjen e të reja. A ka mungesë të buxhetit, a ka mungesë të vullnetit”, ka thë Beqa.
Beqa shkoi edhe më larg duke thënë se moskujdesja e shtetit ndaj invalidëve veteranë është fare pa kuptim.
“Është e pa kuptim, mos me thënë e pamoralshme që mos të i’u mirëmbahen protazat veteranëve. Atyre iu nevojitet ky shërbim që ata të mund të funksionojnë për kryerjen e shërbimeve të tyre”, u shpreh Beqa.
Ndryshe, seanca po vazhdon me pyetjet parlamendare, për të vazhduar më pas me pikat tjera të rendit të ditës./InLajmi/
