Kryetari i Partisë Demokratike të Kosovës Memli Krasniqi, ka refuzuar takimin me presidenten Vjosa Osmani e cila i kishte dërguar një letër pas një propozimi nga Kryetari i AAK-së, përcjell InLajmi.
Krasniqi tha se gjatë këtyre ditëve të vështira për Kosovën me indinjatë kam vërejtur se Presidentja ka qëndruar e heshtur dhe ka neglizhuar obligimin e saj kushtetues për të garantuar unitetin qytetar, për të ruajtur marrëdhëniet me partnerët strategjikë ndërkombëtarë dhe për të vepruar si institucion mbi palët.
Tutje Kryetari i PDK-së është shprehur se duke u nisur nga këto dhe arsye të tjera që i kam shtjelluar në letrën e përgjigjes sime e kam parë të udhës që ta refuzoj pjesëmarrjen në këtë takim.
Postimi i plotë i tij:
Dje kam pranuar nga Presidentja Osmani një letër me të cilën më ka ftuar në takim, pas një propozimi nga Kryetari i AAK-së.
Ndërkohë, gjatë këtyre ditëve të vështira për Kosovën, me indinjatë kam vërejtur se Presidentja ka qëndruar e heshtur dhe ka neglizhuar obligimin e saj kushtetues për të garantuar unitetin qytetar, për të ruajtur marrëdhëniet me partnerët strategjikë ndërkombëtarë dhe për të vepruar si institucion mbi palët.
Prandaj, duke u nisur nga këto, por edhe arsye të tjera që i kam shtjelluar në letrën e përgjigjes sime, e kam parë të udhës që ta refuzoj pjesëmarrjen në këtë takim.
Më poshtë e gjeni letrën e Presidentes dhe përgjigjen time./InLajmi/
