Lidhur me takimin e së enjtes të Kurtit-Vuçiqit në Bruksel, ka folur edhe anëtarja tjetër e Komisionit për Punë të Jashtme, Time Kadrijaj.
Kadrijaj tha se Kurti nuk po kontribuon në deskalimin e situatës në veri.
Ajo tha se ngjarjet e fundit në vend do të diskutohen në takimin e dy palëve.
“Tensionimi i situatës në veri dhe ndalimi i kësaj besoj që do të diskutohet, kjo është e vetmja mënyrë që situata të qetësohet përmes bisedimeve por Kurti në kohën e fundit po e shohim që nuk po i kontribuon deskalimit të situatës në veri por po punon pa dakordim të aleatëve tanë”, thotë Kadrijaj për Front Online.
Edhe deputetja e AAK-së, ka kërkuar që policët e kidnapuar të lirohen pa asnjë kusht, shkruan FrontOnline
“Pa asnjë kusht duhet të lirohen policët e kidnapuar nga serbët se ata kanë qenë në territorin e Kosovës dhe duhet t’i kthehen vendit dhe familjeve të veta”, u shpreh Kadrijaj.
