Zëdhënësja politike e LDK-së, Sibel Halimi, ka reaguar pas shfuqizimit të vendimit të ARBK-së për pezullimin e certifikatës së biznesit të Klan Kosovës, përcjell InLajmi
Halimi tha se ky është lajm i mirë, pas sipas saj, në Kosovë po funksionon sistemi shtetëror dhe ekonomia e tregut të lirë dhe siç tha ajo, nuk ka më fuqi pushtetarë e partiake që mbyllë media.
Tutje, ajo tha se asnjë pushtet nuk mund ta mposhtë vullnetin e një shoqërie që ka përqafuar vlerat e përbashkëta euroatlantike, mendimin dhe shprehjen e lirë.
Postimi i plotë i saj:
Lajmi se ARBK e ka shfuqizuar vendimin e Qeverisë për pezullimin e certifikatës së biznesit Televizionit Klan Kosova është lajm i mirë për dy aspektet e saj thelbësore. Sëpari në Kosovë po funksionon sistemi shtetëror dhe ekonomia e tregut të lirë dhe sëdyti, nuk ka më fuqi pushtetore e partiake që mbyllë media.
Ky vend ka histori demokracie dhe tendencat e suspendimit të saj nga një ideologji majtiste e populliste do të jenë krejtësisht të kota!
Asnjë pushtet nuk mund ta mposhtë vullnetin e një shoqërie që ka përqafuar vlerat e përbashkëta euroatlantike, mendimin dhe shprehjen e lirë. /InLajmi
