Komisioni për Administratë Publike, Pushtet Lokal, Media dhe Zhvillim Rajonal ka mbajtur seancë dëgjimore me gazetarët e lënduar gjatë raportimit për ngjarjet në veri, me ç’ rast gazetarët treguan përjetimet e dhunës të ushtruar ndaj tyre nga grupet kriminale atje, përcjell InLajmi.
Secili nga gazetarët që ishin edhe viktima të sulmeve në veri, foli për përjetimet personale, por edhe vështirësitë që ata i hasën gjatë kryerjes së detyrave të tyre.
Kështu gazetarja e televizionit publik RTK, Venera Xhoxhaj, tha se nuk e kishin aspak të lehtë gazetarët të raportonin për ngjarjet që zhvilloheshin në veri, duke shtuar se ne 16 qershor në Leposaviq, shumë gazetarë kanë pësuar lëndime ngase në drejtim të tyre është gjuajtur me rrebesh gurësh.
Ajo më pas sqaroi se fillimisht është sulmuar kameramani dhe kanë tentuar që t’ia marrin edhe kamerën.
Ajo është shprehur e shqetësuar për rrezikun e përhershëm të gazetarëve , derisa ka kërkuar siguri më të lartë për ta.
“Mendoj që kemi bërë punën tonë në gjendje të jashtëzakonshme, po e shihni Pleuratin dhe Laurën goxha shumë të lënduar. Kemi pësuar lëndime shumë të mëdha dhe pamëshirshëm kanë gjuajtur rrebesh gurësh, por që kemi arrit t’ia dalim. Konsideroj se profesioni i gazetarit është mision, pavarësisht si e mjekut, ushtarit etj”,
tha ajo.
Ajo kujton sulmin ndaj saj dhe kolegëve, ka thënë se personat që sulumuan tentuan të marrin xhirimet.
“E keni parë edhe sulmin ndaj nesh por edhe Laurës, që fillimisht e kanë sulmuar Bardhin e më pastaj kanë tentuar edhe të më marrin pajisjet që kam xhiruar”, tha ajo, teksa kërkoi t’u ofrohen kushte më të mira për gazetarët.
Kryetari i këtij Komisioni, Valon Ramadani, derisa dëgjoi rrëfimet e gazetarëve të sulmuar e lënduar në veri, tha se sulmet ndaj gazetarëve kanë qenë të qëllimshme vetëm pse është shpërfaq realiteti atje.
“Ato sulme nuk kanë qenë të rastësishme por të qëllimshme dhe ato që i keni shpërfaq nuk u ka pëlqyer grupeve kriminaleve. Ju keni rrezikuar deri te jeta dhe jemi krenarë për punën që jeni duke e bërë. Unë e than edhe në seancë jemi krah gazetarëve dhe çdo hap që është i nevojshëm di ta bëjmë si komision”, tha Ramadani.
Gazetarët janë ankuar për pasigurinë që kanë gjatë raportimeve në veri.
Kameraman nga RTK-ja, Bardh Bekteshi, theksoi se gjatë raportimeve në veri nuk kanë pasur siguri dhe se janë sulmuar në mënyrën më brutale.
“Ajo ndjenja që shkon çdo ditë dhe kur e ndjen që nuk ke kurrfarë sigurie nuk është ndjenjë e mire. Pritem se nuk na sulmojnë në atë mënyrë, por kur kaloi ministri çka nuk munden me u shfry në ministrin e kryen tek ne”, tha Bekteshi.
Ndërsa pak më konkret pë sulmin ndaj ti e paraqiti gazetari Pleurat Salihu, i cili në veri kishte pësuar thyerje të dorës. Ai para ligjvënësve tregoi një video kur janë urdhëruar grupet kriminale për t’i larguar gazetarët nga ombrella pasi ka filluar të binte shi. E urdhri sipas Salihut është dhënë nga ish-kryetari i Leposaviqit. /InLajmi/
