Nënkryetarja e Komunës së Prishtinës nga radhët e PDK-së Donjeta Sahatçiu, njofton se kësaj partie i’u bashkua asamblistja nga VV Berna Saraçi, përcjell InLajmi.
Sahatçiu tha se ndihet e plotësuar si ekip dhe se vizioni “Prishtina na bashkon” po jetësohet natyrshëm e vullnetshëm çdo ditë e më shumë
Ajo tha se së bashku, pa fjalë por me punë e përkushtim po arrijmë atë që e kemi dëshiruar që nga fillimi.
Postimi i plotë i saj:
Ardhsh si vera Berna
Prej sot, ekipi i PDK-së në Prishtinë përfaqësohet edhe me një super grua në Kuvendin Komunal. Berna Saraçi do të vazhdojë të shërbejë si këshilltare komunale për të nxitur punë edhe më të mirë në Kryeqytet.
Ndihem jashtëzakonisht e plotësuar kur si ekip shohim se si vizioni “Prishtina na bashkon” po jetësohet natyrshëm e me vullnet çdo ditë e më shumë. Prishtina na bëri bashkë në qeverisje fillimisht për projekte konkrete në arsim, shërbime publike, zhvillim rural, kulturë e sport, por që më pas u zgjerua në një frymë që veçse po lulëzon. Bashkë, pa fjalë shumë, me punë e përkushtim të sinqertë ashtu sikurse edhe e kishim dëshiruar nga fillimi.
Prishtinë, faleminderit që na bashkove! /InLajmi/
