Kryeministri i Kosovës, Albin Kurti ka thënë se deklarata e emisarit Gabriel Escobar, se në Ballkan ka politikanë që i mbijetojnë krizave, e ka pasur për presidentin serb, Aleksandër Vuçiq dhe jo për të, raporton InLajmi
“Së pari kah mund të shkojë kriza në veriun e Kosovë nëse nuk de eskalon unë nuk mund ta dij. Eskalimi është përzierja e Beogradit në Kosovë. Nëse ka të drejtë Escobar atëherë adresë se ku di të duhet të merremi është me siguri Beograd. Unë besoj që ju e keni keqkuptuar se Escobar e ka pasur fjalën për presidentin Serb, sepse atje ka demonstrata. Në Kosovë ka krizë për veriun, nuk ka krizë nga Qeveria. Ai nuk e ka pasur fjalën për mua, e ka pasur fjalën për presidentin e Serbisë”, tha ai.
Kurti duke komentuar deklaratën e Escobar ka thënë se ai duhet të pyetet se cilat shtet i ka mendur kur ka përmendu konfliktin rajonal.
“Konflikt rajonal, po ju besoj ju se unë nuk e kamë parë, siç paska thënë emisari Escobar nuk janë vetëm 2 shtete, i bie që janë më shumë. Mbase jeni në konferencën e gabuar për media, është dashtë të jeni në atë konferencë e ta pyesni atë, se cilat shtet e tjera përveç Kosovës dhe Serbisë besoni që do të përfshihen meqenëse thoni që konflikti do të jetë rajonal. Mali i Zi s’ma merr mendja, Maqedoni e Veriut s’besoj, kryeministri Edi Rama ka kërcënuar Beogradin? Ndoshta! Por Ju atje duhet t’i pyesni, se unë i di shumë gjëra por jo edhe aq shumë. Do të duhej që emisarin Escobar ta pyesni se kur ka thënë konflikt rajonal cilat shtete i ka menduar përveç Kosovës dhe Serbisë”, tha ai. /InLajmi/
