Ministri i Punëve të Brendshme Xhela Sveçla, ka bërë të ditur identitetin e serbit të arrestuar së fundit për sulmin brutale ndaj gazetarëve, ndërsa ka shtuar se këtë brutalitet dhe kriminalitet po bëhet me urdhër të Beogradit, përcjell InLajmi.
Tutje ministri ka shtuar se i arrestuari i 3-të për sulmin ndaj gazetarëve është Urosh Vukasinoviq.
Ai ka thënë se nuk do të ndalemi dhe se çdo përgjegjës për dhunën dhe aktet kriminale ndaj gazetarëve do ta arrestojmë.
Postimi i plotë i tij:
3 ditët e fundit, 3 të arrestuar për sulmet brutale dhe kriminale ndaj gazetarëve që raportojnë nga veriu i vendit. I arrestuari i 3-të, i rradhës, është Urosh Vukasinoviq.
Këta kriminelë, të cilët po marrin urdhra për këto sulme nga Beogradi, tashmë do të përballen me drejtësinë. Nuk do të ndalemi, çdo përgjegjës për dhunën dhe aktet kriminale ndaj gazetarëve, do të arrestohet.
Republika e Kosovës është vend shembull i funksionimit të demokracisë, dhe nuk do të lejojmë askënd, me asnjë çmim të sulmojë qytetarët, të frikësojë raportimin e gazetarëve dhe cenojë rendin tonë kushtetues./InLajmi/
