Kombëtarja e Kosovës sot e luan edhe ndeshjen e fundit të muajit qershor, në kuadër të kualifikimeve për Kampionatin Evropian 2024.
“Dardanët” do të ndeshen me Bjellorusinë në stadiumin “Szusza Ferenc Stadion” në Budapest me fillim nga ora 20:45
Të përzgjedhurit e trajnerit Alain Giresse vijnë pas 3 barazimeve dhe opsion të vetëm për të mbajtur gjallë shpresat për kualifikim e kanë vetëm fitoren kundër Bjellorusisë.
Tifogrupi i Kombëtares së Kosovës, “Dardanët” kanë motivuar ekipin kombëtar.
“Dardanët” kanë deklaruar se asgjë nuk ka mbaruar sa i përket gjasave për kualifikim në Evropian, shkruan lajmi.net
“Shpresa vdes e fundit. Asgjë s’ka mbaruar. Matematikisht jemi në lojë, dhe të konsiderueshme. Andaj, arsye s’ka. Angazhim po. Hajde Kosovë” – thuhet në postimin e Dardanëve.
