Avokati Toma Fila, ka folur për zhvillimet politike në rajon me theks politikat mes Kosovës dhe Serbisë,ndërsa ka thënë sot se kryeministri i Kosovës Albin Kurti, nuk dëshiron luftë mes shqiptarëve dhe serbëve, por mes NATO-s dhe Serbisë, e cila nëse do të ndodhte do ta kthente Serbinë 50 vjet prapa, transmeton InLajmi.
Fila jka theksuar tutje se marrëveshja e arritur në Ohër është kontestuese për shkak se presidenti i Serbisë, Aleksandar Vuçiq, asnjëherë nuk ka thënë se është dakord që Kosova të anëtarësohet në OKB dhe shton se Serbia ka kërkuar që fillimisht të formohet Asociacioni dhe më pas të diskutohet më tutje.
“Në asnjërën nga marrëveshjet që kemi nënshkruar në kohën e Millosheviqit dhe më tej, ata kurrë nuk kanë luajtur një lojë të ndershme. E njëjta gjë vlen edhe për Asociacionin, edhe pse në 2013 dhe 2015 është rënë dakord saktësisht se si duhet të duketi”, theksoi ai.
Fila thekson se Kurti dëshiron një luftë mes NATO-s dhe Serbisë, prandaj është e nevojshme që presidenti Vuçiq dhe Serbia të armatosen me durim dhe të mos bien në provokime sepse, siç thotë ai, është më mirë të negociohen 100 vjet sesa të bëj luftë për një ditë.
Ai shton se Serbia ka filluar të ngrejë kokën, ka zhvilluar ekonominë, prodhimin, eksportet nga fabrikat janë 70-80% për komunitetin evropian dhe në momentin që do të fillojë lufta do të ndalet dhe Serbia do të kthehet 50 vjet prapa, shkruan pink.tv.
Çështja është se sa respektohet e drejta ndërkombëtare sepse, siç sqaron ai, e drejta penale ndërkombëtare i kundërvihet të drejtës së më të fortit dhe në këtë memorandum zbatohet e drejta e më të fortit dhe përderisa është kështu, serbët dhe shteti i Serbisë nuk do të ketë paqe askund, jo vetëm në Kosovë./InLajmi/
