Në orët e hershme të mëngjesit të së hënës, Policia e Kosovës ka arrestuar edhe një person të nacionalitetit serb i dyshuar për sulmin ndaj gazetarëve në veri, përcjell InLajmi.
Përmes një njoftimi për media, ka konfirmuar se ka arrestuar një person të nacionalitetit serb, i cili dyshohet për sulm ndaj gazetarëve në veri.
Këtë e bëri të ditur Policia e Kosovës, përmes një njoftimi për media, me ku thuhet se i dyshuari është dërguar në stacionin policor.
“Sot, në orët e hershme të mëngjesit është arrestuar i dyshuari i radhës mashkull serb U.V., me vendbanim në një fshat të komunës së Leposaviqit, i dyshuar për përfshirje në një rast sulm ndaj mediave/gazetarëve. Arrestimi i tij dhe shoqërimi në stacion policor është kryer si rezultat i hetimeve intensive dhe i sigurimit të dëshmive, se i njëjti është përfshirë në sulm ndaj mediave/gazetarëve me datë 16 qershor 2023”, thuhet në njoftimin e PK-së.
Njoftimi i plotë nga Policia e Kosovës:
Policia e Kosovës arrestoi të dyshuarin e radhës për sulm ndaj gazetarëve
Prishtinë, më 19 qershor 2023
Sot, në orët e hershme të mëngjesit është arrestuar i dyshuari i radhës mashkull serb U.V., me vendbanim në një fshat të komunës së Leposaviqit, i dyshuar për përfshirje në një rast sulm ndaj mediave/gazetarëve.
Arrestimi i tij dhe shoqërimi në stacion policor është kryer si rezultat i hetimeve intensive dhe i sigurimit të dëshmive, se i njëjti është përfshirë në sulm ndaj mediave/gazetarëve me datë 16 qershor 2023. Të gjitha veprimet e mëtejme do të ndërmerren në bashkëpunim dhe koordinim me organet e drejtësisë.
Angazhimi dhe përkushtimi i Policisë së Kosovës, do të vazhdojë për ruajtje të rendit dhe sigurisë publike, për sundim të ligjit dhe sjelljen para organeve të drejtësisë së personave të dyshuar që bien në kundërshtim me rendin dhe ligjin./InLajmi/
