Nga reshjet e shiut që nuk po ndalen, janë vërshuar 5 fshatra të komunës së Podujevës. Lagjja “Çunaku” në fshatin Llugë, ka mbetur e bllokuar dhe shumë biznese janë dëmtuar.
Zyrtarët komunalë thonë se shtabi emergjent ka evakuuar 5 familje dhe po vazhdojnë të përgjigjen në kërkesat e banorëve.
Që nga nata e mbrëmshme lagja Qunaku e fshatit Llugë të Podujevës është vërshuar nga uji.
Dëmet ende nuk kanë arritur t’i identifikojnë por janë të sigurt se të mbjellat bujqësore nuk kanë shpëtuar. Madje, uji ka depërtuar edhe brenda shtëpive.
Festim Qunaku, banor i fshatit Llugë thotë se janë bllokuar komplet lagjet e fshatit.
Nga vërshimet ka pësuar edhe biznesi i Afrim Fazlisë. Atij i janë dëmtuar mjetet e punës dhe lënda e parë e prodhimit. Që nga orët e hershme të mëngjesit ai po përpiqet që ta tërheq ujin nga podrumi.
Sipas të dhënave nga komuna e Podujevës fshatrat më të prekura nga vërshimet janë Dumnica, Siboci, Letanci, Lluga, Shtetim dhe disa zona brenda qytetit, shkruan RTK
Komuna ka formuar shtabin emergjent dhe janë evakuar pesë familje dhe kanë ndërhyrë në shumë raste të zhbllokimit të lumenjve dhe kanalizimeve.
