Një aksident ka ndodhur pasidtën e së shtunës në aksin rrugor Bllacë-Shkup. Sipas informatave zyrtare, një veturë me targa të Kosovës ka humbur drejtimin dhe ka përfunduar në lumin Lepenc, përcjell InLajmi
Në veturë ndodheshin 4 persona të një familje nga Kosova. Njëri nga personat ka arritur të dalë nga lumi, ndërsa 3 të tjerë ndodhen në kërkim.
Ministri i Punwve të Brendshme tha se së Policia e Kosovës dhe Forcat e Sigurisë së Kosovës bashku me autoritetet e Maqedonisë së Veriut, kanë filluar planifikimin dhe kërkimin e familjes Pacolli në rrjedhën e rrëmbyeshme të Lepencit.
Ai bëri të ditur se ndodhen 30 pjesëtarë të Policisë së Kosovës, Forcës së Sigurisë së Kosovës dhe vullnetarë profesionistë në këtë mison të kërkim shpëtimit.
Postimi i plotë i tij:
Sapo jam njoftuar mbrëmë për aksidentin e ndodhur në aksin rrugor Shkup – Bllacë, me ç’rast një familje nga Kosova ka rënë në lumin Lepenc, jam nisur tek vendi ngjarjes.
Pas koordinimit me autoritetet e Republikës së Maqedonisë së Veriut, mbrëmë kanë arritur njësitet e para profesionale të Policisë së Kosovës dhe Forcës së Sigurisë së Kosovës të cilët kanë filluar planifikimin dhe kërkimin në rrjedhën e rrëmbyeshme të Lepencit.
Aktualisht ndodhen 30 pjesëtarë të Policisë së Kosovës, Forcës së Sigurisë së Kosovës dhe vullnetarë profesionistë të kërkim shpëtimit, të cilët në koordinim dhe bashkëveprim me ekipet profesionale të Maqedonisë së Veriut janë duke e bërë maksimumin e tyre në lokalizimin dhe nxjerrjen e personave nga lumi.
Institucionet e Republikës së Kosovës në këto momente të vështira qëndrojnë pranë familjarëve të të prekurve nga ky aksident dhe përkundër të gjitha sfidave, kanë ngritur të gjitha kapacitetet që të kemi rezultate sa më të shpejta. /InLajmi/
