Kryetari i komunës së Ferizajit Agim Aliu këtë të dielë përuroi renovimin e jashtëm të Palestrës së Sporteve “Bill Clinton” në Ferizaj, përcjell InLajmi.
Aliu tha se ky projekt i hap rrugë renovimit tërësor të palestrës vitin e ardhshëm, duke e kthyer në një nga ndërtesat më funksionale, me kushtet më moderne, me kostot më të ulta të shpenzimeve, në dobi të sportit e komunitetit sportiv në Ferizaj.
Pjesëmarrës të këtij përurimi ishin Kryeministri i Republikës së Kosovës Albin Kurti, ministrja e Ekonomisë Artane Rizvanolli, drejtori menaxhues i Fondit të Kosovës për Efiçiencë të Energjisë Ahmet Ismaili, përfaqësuesit nga Banka Botërore Massimiliano Paolucci dhe nga Zyra e BE-së Alessandro Bianciardi.
Postimi i plotë i tij:
Pas renovimit të jashtëm, vitin e ardhshëm nisim renovimin tërësor të Palestrës “Bill Clinton” në Ferizaj
Sot, në përurimin e renovimit të jashtëm të Palestrës së Sporteve “Bill Clinton” në Ferizaj, bashkë me Kryeministrin e Republikës së Kosovës, Albin Kurti, ministren e Ekonomisë, Artane Rizvanolli, drejtorin menaxhues të Fondit të Kosovës për Efiçiencë të Energjisë, Ahmet Ismaili, përfaqësuesit nga Banka Botërore Massimiliano Paolucci dhe nga Zyra e BE-së, Alessandro Bianciardi, pamë punimet e kryera nga huamarrja e Komunës së Ferizajt në Fondin e Kosovës për Efiçiencë të Energjisë, projekt ky që i hap rrugë renovimit tërësor të Palestrës së Sporteve “Bill Clinton”, vitin e ardhshëm, duke e kthyer në një nga ndërtesat më funksionale, me kushtet më moderne, me kostot më të ulta të shpenzimeve, në dobi të sportit e komunitetit sportiv në Ferizaj. /InLajmi/
