18 Qershori është dita e 169 e vitit, deri në fund të tij janë edhe 196 ditë.
Ngjarje
KONGRESIAMV
1812 – Kongresi amerikan i shpall luftë Britanisë së Madhe, Kanadasë dhe Irlandës. Arsyet ishin të ndryshme, përfshi kufizimet e tregtisë të shkaktuara nga lufta e vazhdueshme e Britanisë me Francën, ngacmimet e anijeve tregtare amerikane nga marina britanike, dhe mbështetja britanike për fiset indiane për të mos lejuar zgjerimin amerikan. Lufta zgjati 2 vjet e 8 muaj dhe nuk solli ndryshim kufijsh, por forcoi ndjenjën kombëtare, frymëzoi krijimin e himnit “The Star-Spangled Banner” dhe shtoi respektin e Amerikës në botë. Për amerikanët lufta e vitit 1812 cilësohet si lufta e dytë e pavarësisë; britanikët e quajnë atë një luftë anësore në kuadër të lufrave me Francën.
1815 – Beteja në Vaterlo rezulton në humbjen e Napoleon Bonapartit; Duka i Wellingtonit dhe Gebhard von Blucher e detyrojnë Bonapartin të heqë dorë nga froni i Francës për herë të dytë dhe të fundit.
1858 – Charles Darwin merr një letër nga Alfred Russel Wallace që përfshin konkluzione gati identike me ato të Darvinit mbi evolucionin – kjo e bëri Darvinin të publikonte teorinë e tij.
1873 – SHBA; Susan B. Anthony gjobitet 100 dollarë për përpjekjen për të votuar në zgjedhjet presidenciale të vitit 1872. E drejta e grave pët të votuar në Amerikë u miratua nga Kongresi më 4 qershor 1919, dhe amendamenti i 19-të i Kushtetutës që u garanton të gjitha grave amerikane të drejtën e votës u ratifikua më 18 gusht 1920.
1924 – Fan Noli shpall një dokument mbi politikat që duhet të ndiqen nga kabineti i tij; një program prej 19 pikash iu premtua shqiptarëve; propozimet shiheshin thelbësorë për krijimin e një demokracie moderne. Por parlamenti ishte shpërndarë prej kohësh, zgjedhje nuk u zhvilluan dhe asnjë hap nuk u ndërmor në mënyrë që populli të ratifikonte revolucionin. Kryeministri i ri (Noli) qeveriste pa një legjislaturë që të mund ta kthente vendin në gjendje normale, ndërkohë që censura e rreptë u vu në zbatim; rrjedhimisht, qeveria e re kurrë nuk u legjitimua, prandaj u ndje e pasigurt që prej fillimit.
1945 – Spikeri i radios dhe komentatori William Joyce akuzohet nga Anglia për tradhëti për propagandë pro-naziste gjatë Luftës së Dytë Botërore. William kishte qenë politikan irlandez-amerikan. Lindur më 1906 në Brooklyn, Nju Jork, në vitet 1920 ai shkoi në Britani ku u bë anëtar i Bashkimit Fashist Britanik. Në prag të luftës së dytë botërore, 1939, William Joyce, martuar me një gjermane, vendoset në Berlin dhe gjen punë në Radion gjermane për programe në gjuhën angleze që transmetonte propagandë naziste. Vetëm në Angli, William kishte rreth 8 milionë dëgjues të rregullt. Në vitin 1945, ndërsa po përpiqej të kalonte kufirin nga Gjermania në Danimarkë, William Joyce u kap nga forcat britanike; u dërgua në Londër, ku u gjykua dhe u gjet fajtor për tradhëti të lartë – William u ekzekutua me varje në burgun Wandsworth më 3 janar 1946 – vdiq i papenduar dhe provokues – fjalët e tij të fundit ishin: “Jam krenar të vdes për idealet e mia dhe më vjen keq për bijtë e Britanisë që kanë vdekur pa e ditur pse.”
1953 – Revolucioni egjiptian i vitit 1952 përfundon me përmbysjen e dinastisë 150 vjeçare Muhamed Ali dhe shpalljen e Republikës së Egjiptit. Muhamed, Muhammad ose Mehmed apo Mehmet Ali, lindi më 4 mars 1769 nga prindër shqiptarë në qytetin e Kavallës, në atë kohë pjesë e vilajetit osman të Rumelisë. Sipas shumë gazetarëve perëndimorë që e kishin intervistuan atë, dhe sipas njerëzve që e njihnin, gjuha e vetme që ai dinte rrjedhshëm ishte shqipja edhe pse ishte gjithashtu kompetent në turqisht. Mehmet Aliu qeverisi Egjiptin nga viti 1805 deri sa vdiq më 1848. Sipas disa historianëve, vitet e fundit të jetës Mehmeti kishte filluar të mendonte se para-ardhësit e tij mund të kishin qenë turq, të migruar nga Anadolli. (Turkish Historical Review, Butrus Abu-Manneh, Brill Academic Publishers)
1972 – Ndodh katastrofa ajrore Staines me vdekjen e 118 personave, kur një aeroplan rrëzohet vetëm dy minuta pas që të ngrihet nga aeroporti ndërkombëtar i Londrës “Heathrow”.
1981 – Epidemia e AIDS-it zyrtarisht njihet nga ekspertët mjekësorë në San Francisco të Californias.
1984 – Një përleshje ndërmjet rreth 5.000 policëve dhe një numri të përafërt të minatorëve ndodh në Orgreave, Yokshiren jugore, gjatë protestës së viteve 1984-1985 të minatorëve britanikë.
1997 – Sirhan Sirhanit i refuzohet lirimi me kusht për të dhjetën herë. Ai kishte vrarë kandidatin presidencial amerikan, Robert Kennedy, më 1968.
2002 – Në Algier, Algjeri, ministrat e Jashtëm të Etiopisë dhe Eritresë nënshkruan një marrëveshje preliminare të armëpushimit dhe u pajtuan të punojnë se bashku për një paqe të përhershme pas luftës dyvjeçare për kufijtë.
2006 – Kazakistani lansoi satelitin e vet të parë.
Lindje
1918 – Franco Modigliani, ekonom italian dhe fitues i çmimit Nobel
1924 – George Mikan, basketbollist amerikan
1942 – Paul McCartney, britanski kantautor
1943 – Raffaella Carrà, këngëtare italiane dhe yll i TV
1949 – Lech Kaczyński, Presidenti i Polonisë
1952 – Isabella Rossellini,aktore italiane
1974 – Kenan Imirzalioglu, aktor turk
Vdekje
1928 – Roald Amundsen, hulumtues norvegjez
1936 – Maksim Gorki, letrar rus
2006 – Adi Lukovac, kantautor boshnjak