Kryeministri i Kosovës, Albin Kurti në Forumin Demokratik të Prespës është takuar me kryeministrin në detyrë të Malit të Zi, Dritan Abazoviq, përcjell InLajmi.
Ky i fundit deklaroi se me kryeministrin Kurti gjatë bashkëbisedimit kanë diskutuar për të gjitha zhvillimet e fundit ndërsa është vlerësuar se është e domosdoshme një zgjidhje e pranuar nga të gjitha palët.
Abazoviq shtoi se interesi i përbashkët i tyre është të gjejmë një zgjidhje të pranueshme për të gjitha palët në një bisedë të hapur.
Postimi i plotë i tij:
Sapo kam përfunduar një bisedë e rëndësishme me kryeministrin Albin Kurti.
Mali i Zi, si vend mik i Serbisë dhe Kosovës, por edhe i gjithë të tjerëve në rajon, është gati të presë raundin e radhës të Dialogut Beograd-Prishtinë, me përfshirjen e zyrtarëve evropianë dhe amerikanë.
Promovimi i paqes, stabilitetit dhe bashkëpunimit rajonal është një nga synimet kryesore të politikës së jashtme të Malit të Zi.
Interesi ynë i përbashkët është të gjejmë një zgjidhje të pranueshme për të gjitha palët në një bisedë të hapur. /InLajmi/
