Disa nga ngjarjet, njerëzit dhe datat më me ndikim në historinë turke dhe atë botërore që kanë shënuar ditën e sotme, 16 qershor.
16 qershor 1826… Në periudhën osmane të Sulltan Mahmut II u mbyll Shkolla e Jeniçerëve. Shpërndarja e korpusit të Jeniçerëve, që quhej ngjarje e mirë (Vak’a-i Hayriye) dhe mbyllja e shkollave të tjera që përgatisnin truprojat e afërta të sulltanit dhe objekteve të rëndësishme, u bë fillimi i vërtetë i historisë së Turqisë dhe Turqisë moderne.
16 qershor 1919… Nomadi Ali Efe (Yörük Ali Efe) dhe shokët e tij, me bastisjen e “Malgaç-it” mori kontrollin e postës kufitare greke në Ajdën (Aydın). Me këtë bastisje u pengua përparimi i forcave greke në krahinën e Ajdënit.
16 qershor 1950… Kuvendi i Madh Popullor i Turqisë miratoi ligjin për këndimin e ezanit në arabisht, ashtu siç ishte para se të kthehej në Turqisht.
16 qershor 1963… Astronautja ruse, Valentina Tereshkova e dërguar në orbitën e tokës me anijen kozmike “Vostok 6”, u bë gruaja e parë që shkoi në hapësirë.
16 qershor 1964… Mbrojtësi i të drejtave të afroamerikanëve, Martin Luther King fitoi çmimin Nobel për Paqen.
16 qershor 1979… Vdiq Ajhan Ëshëk (Ayhan Işık), një prej aktorëve më të rëndësishëm të kinematografisë turke.
