Përfaqësuesi i Lartë i BE-së, Josep Borrell, është deklaruar për rastin e kidnapimit të 3 policëve të Kosovës nga Serbia, duke e kualifikuar atë si “arrestim”.
Ai tha se janë duke tentuar të kuptojnë se çka ka ndodhur saktë më këtë rast.
“E dini që ka ndodhur një incident rreth arrestimit të 3 oficerëve policorë të Kosovës dhe ne jemi duke provuar ta vërtetojmë se çka saktësisht ka ndodhur. Jemi në kontakt të ngushtë me komandantin e KFOR-it dhe me të 2 palët për të marrë vesh se çka çoi në këtë arrestim”.
Borrell njoftoi se do të organizojë një për t’u marrë me krizën, duke bërë thirrje për qetësi në terren, shkruan Gazeta Express
“Duke parë situatën që po përkeqësohet çdo ditë, ne jemi në një gjendje të menaxhimit të krizave. Do t’i ftoj të 2 palët, Kosovën dhe Serbinë, për një takim për menaxhim krize këtu në Bruksel javën e ardhshme”, ka deklaruar ai para gazetarëve
