Dhoma e Lartë e Parlamentit, të hënën pranoi masën, të miratuar nga Këshilli Kombëtar javën e kaluar, për të mos dëbuar të huajt që jetojnë në Zvicër për më shumë se 10 vjet dhe përfitojnë ndihmë sociale.
Ndër një sërë kushtesh që ligji zviceran përcakton për humbjen e të drejtës së qëndrimit, është një varësi afatgjatë nga ndihma publike.
Sipas propozimit, megjithatë, shtetasve të huaj nuk do t’u hiqet më leja e qëndrimit me arsyetimin se kanë përfituar asistencë sociale, shkruan albinfo.ch.
Mocioni tani do t’i kthehet Këshillit Kombëtar për diskutime të mëtejshme.
