Ministrja e Drejtësisë Albulena Haxhiu, u shpreh e frustruar për rrëmbimin e 3 policëve të Republikës së Kosovës në Leposaviq, përcjell InLajmi.
Ajo këtë veprim e quajti provokim të organizuara nga Serbia, e që për qëllim siç tha ajo kanë destabilizimin e situatës në veri.
Ministrja tutje shtoi për veprimin e Serbisë duhet të reagoj edhe faktori ndërkombëtar.
Postimi i plotë i saj:
Serbia kriminale ka rrëmbyer 3 pjesëtarë të policisë së Republikës së Kosovës në Leposaviq.
Për provokime si këto të organizuara nga Serbia me qëllim të destabilizimit të situatës në veri, duhet të përgjigjet edhe faktori ndërkombëtar.
Oficerët e policisë duhet të lirohen sa më shpejt dhe veprimet e tilla agresive të ndalen./InLajmi/
