2 turistë holandezë erdhën për të shijuar bukuritë e Himarës, por atyre ju ndodhi një e papritur duke u bllokuar duke mbetur të izoluar në një terren të thepisur në gjirin e Filikurit në Himarë, përcjell InLajmi.
Policia përmes një njoftimi zyrtar bën me dije se njëri prej tyre ishte lënduar pasi ishte rrëzuar, megjithatë turistët janë në gjendje të stabilizuar shëndetësore.
Policia Kufitare në Dhërmi ka njoftuar se 2 turistët janë gjendje të mirë shëndetësore.
Njoiftimi i plotë i policisë:
“Kishin mbetur të izoluar në një terren të thepisur, në gjirin e Filikurit, shërbimet e Policisë Kufitare Dhërmi iu shkojnë në ndihmë 2 turistëve holandezë, njëri prej të cilëve ishte dhe i dëmtuar, për shkak të rrëzimit. Mbrëmjen e djeshme, salla operative e Komisariatit të Policisë Himarë është njoftuar se për shkak të terrenit të vështirë dhe të thepisur, 2 turistë holandezë të cilët po eksploronin zonën, kishin mbetur të izoluar në gjirin e Filikurit dhe se njëri prej tyre ishte dhe i dëmtuar nga rrëzimi.
Menjëherë pas marrjes së këtij njoftimi, shërbimet e Policisë Kufitare Dhërmi kanë organizuar punën për t’iu shkuar në ndihmë 2 turistëve. Pas disa orësh kërkimi, nga shërbimet e Policisë të ndarë në grupe kërkimi përmes detit dhe përmes tokës, kanë bërë të mundur lokalizimin dhe gjetjen e turistëve, të cilët janë transportuar me mjetin lundrues të Policisë Kufitare, me qëllim dërgimin e menjëhershëm të tyre, në ambientet ku pushonin në Himarë.
Të dy turistët janë në gjendje të mirë shëndetësore.Turistët holandezë kanë falënderuar shërbimet e Policisë Kufitare, për reagimin e menjëhershëm dhe profesionalizmin e treguar për t’iu ardhur në ndihmë, turistëve që vizitojnë Vlorën dhe gjithë Shqipërinë”, njofton policia./InLajmi/
