Ministri i Infrastrukturës Liburn Aliu të marten vizitoi kryetarin e Komunës së Leposaviqit, Lulzim Hetemi, të cilin e përgëzoi për disiplinën dhe profesionalizimin në detyrën e tij udhëheqëse, përcjell InLajmi.
Aliu bëri të ditur se me kryetarin Hetemi biseduan për bashkëpunimin e ndërsjellë në realizimin e projekteve që do të kontribuojnë në zhvillim ekonomik për të gjithë qytetarët.
Më tej ai e falënderoi Hetemin për qëndresën e tij shembullore për Republikën e Kosovës.
Postimi i plotë i tij:
Nder dhe kënaqësi e veçantë që ta takoj Kryetarin e komunës së Leposaviqit, z. Lulzim Hetemi.
Me Kryetarin bashkëbiseduam për bashkëpunimin e ndërsjellë në realizimin e projekteve që do të kontribuojnë në zhvillim ekonomik për të gjithë qytetarët, respektivisht për projekte infrastrukturore në komunë, me ç’rast i ofruam mbështetje të parezervë.
E falënderoj Kryetarin Lulzim Hetemi nga zemra për qëndresën e tij shembullore për Republikën e Kosovës, si dhe Policinë e Kosovës për disiplinën dhe profesionalizmin e pashembullt që po e tregojnë për çdo ditë. /InLajmi/
