Granit Begolli është larguar nga posti i kryetrajnerit te skuadra e Feronikelit ’74.
Begolli ka njoftuar vetë për largimin nga “Industrialistët” ku ka bërë të ditur se largimi nga Feronikeli ’74 ishte vendim i tij, anise klubi i ka ofruar mundësinë e vazhdimit edhe në Superligën e Kosovës.
“Dua t’iu njoftoj që nga sot nuk do të jem pjesë e Feronikelit 74′. Unë kam vendosur që të largohem nga klubi pavarësisht se klubi më ofroi mundsinë që unë ta drejtojë skuadrën në Superligë. Falenderoj Kryetarin e Komunës, z.Ramiz Lladrovcin për përkrahjen gjatë gjithë sezonit, presidentin Erlind Krasniqi për mundësinë që unë të drejtojë klubin drejt Superligës, ku së bashku arritëm objektivin pas një sezoni me shumë vështirësi”, tha ai shkruan lajmi.net
“Faleminderit poashtu tifozëve për përkrahjen gjatë gjithë sezonit. Falenderoj stafin për punën e madhe dhe të gjithë njerëzit tjerë që punuan në klub. Falenderoj kapitenin Lapidar Lladrovci dhe te gjithë futbollistët për super sezonen që kalum së bashku” , shtoi ai.
