Të martën është mbajtur takimi i përbashkët i Grupit Punues ndërmjet përfaqësuesve të institucioneve të Republikës së Kosovës dhe përfaqësuesve nga Këshilli i Evropës
Aty u fol për rezultatet që ka arritur Kosova në fushën e sundimit të ligjit, luftën kundër korrupsionit e lirinë e medieve.
Për gjitha këto, i pari foli zëvendësministri i Punëve të Jashtme dhe Diasporës, Kreshnik Ahmeti.
Ai përmendi rezultatet në këto fusha, me ç’rast përmendi raportet ndërkombëtare për Kosovën.
“‘Ëorld Justice Project’ e rendit Kosovën të parën në Evropë dhe të dytën globalisht për përmirësimin e madh në sundimin e ligjit. Në indeksin e Transparency International, Kosova ka përmirësuar për 20 vende në dy vitet e fundit. Kosova është përmirësuar për 23 vende sa i përket lirisë së mediave. Përfundimi i fazës fillestare zë anëtarësimit është një moment i rëndësishëm në rrugën tonë drejt integrimit të plotë në Bashkësinë Ndërkombëtare dhe qytetarët e saj drejt përfitimeve nga Këshilli i Evropës dhe mekanizmave të saj”, tha ai.
Drejtori për Koordinim të Programeve të Këshillit të Evropës, Claus Neukrich, tha se e kanë ndihmuar Kosovën në luftën kundër korrupsionit dhe pastrimit të parave.
Por që shtoi se duhet ende punë në sundimin e ligji, ku përmendin Konventën e Stambollit
“Siç e dini Këshilli i Evropës aktivitet me Kosovën i bazon në parimin e kapaciteteve profesionale duke mbajtur qasje neutrale. Ne kemi kryer projekte në të kaluarën, projekte të bashkëpunimit duke përfshirë luftës kundër korrupsionit sa i përket metodologjisë dhe pastrimit të parave”, shkruan EO
“Në sistemin e drejtësisë më e rëndësishme është të përmendim rezultatet e raporteve të grupit të eksperteve kundër trafikimit me qenie njerëzore sa i përket konventës së Stambollit”, tha ai.
