Kompania Rajonale e Ujësjellësit “Hidrodrini” siguron qytetarët se edhe pas reshjeve të shiut, nuk ka turbullira dhe se uji është i pijshëm, përcjell InLajmi
Sipas Hidrodrinit, shkalla e gatishmërisë është ngritur në rajonin e Dukagjinit dhe se ekipet mbetën në terren.
Ndryshe, në shumë qytete e fshatra të Kosovës ka pasur reshje të shumta shiu të shoqëruara me bubullima, por edhe breshër, ku si pasojë e këtyre reshjeve disa rrugë janë vërshuar.
Njoftimi i plotë i KRU Hidrodrinit:
KRU ‘Hidrodrini’
Informatë / Rreshjet atmosferike – Uji është i pijshëm, nuk ka turbullira në asnjë burim të zonës së mbulueshmërisë – Shkalla e gatishmërisë është ngritur
Pas rreshjeve atmosferike që kanë filluar mbrëmë në rajonin e rrafshit të dukagjinit dhe pas paralajmërimeve Instituti Hidrometeorolgjik i Kosovës (IHM) për javë që do karakterizohet nga rreshje shiu, Kompania Rajonale e Ujësjellit ‘Hidrodrini’ ka ngritur shkallën e gatishmërisë dhe mobilitetit në zonën e saj të mbulueshmërisë.
Deri më tash, situata në burime është e qetë, pa turbullira dhe uji mbetet i pijshëm.
Kryeshefi Ekzekutiv ing. Dri Cena ka udhëzuar ngritjen e shkallës së gatishmërisë së ekipeve prevenuese dhe të kontrollit në terren dhe burime, duke ofruar mbështetjen e plotë në rast të paraqitjes së nevojës edhe nga rajoni.
Kimistja, Drejtori teknik, menaxherët e njësive respektive te zonës së mbulueshmërisë të KRU “Hidrodrini” sh.a. Pejë, obligohen të ngrisin shkallën e gatishmërisë prevenuese në terren.
Obligative edhe përcjellja e situatës dhe gjendjes me kapacitet të shtuar për sa i përket cilësisë dhe kualitetit të ujit në të gjitha burimet si dhe në rrjetin e ujësjellësit në komunat Pejë, Deçan, Istog, Klinë dhe Junik.
Ekipet mobile mbeten në terren!
Për çdo ndryshim, konsumatorët do të njoftohen.
Me respekt;
Zyra për Media e KRU ‘Hidrodrini’-Pejë /InLajmi/
