Ministri i Mbrojtjes Millosh Vuçeviq, gjatë vizitës në Qipro është takuar me ministrin e mbrojtjes, Mihalis Jorgalas, i cili bëri thirrje për deeskalim në veri të Kosovës dhe vazhdimin e dialogut ndërmjet Beogradit dhe Prishtinës, transmeton InLajmi.
“Jorgalas theksoi se bisedimet me Vuçeviqin ishin në frymën e thellimit të thellojnë bashkëpunimit në fushën e mbrojtjes ushtarake mes 2 vendeve në të ardhmen e afërt dhe thellimin e bashkëpunimit dhe fuqizimin e miqësisë”, thuhet në njoftimin e Ministrisë së Mbrotjes.
“Ne patëm një diskutim kuptimplotë për një sërë çështjesh me interes të ndërsjellë, nga bashkëpunimi ynë dypalësh deri te çështjet përkatëse të sigurisë rajonale, duke përfshirë situatën e sigurisë në Qipro dhe Ballkanin Perëndimor,” tha ai.
Jorgalas shtoi se Vuçeviq e ka informuar për zhvillimet e fundit në veri të Kosovës dhe se përplasjet e fundit mes qytetarëve dhe policisë janë “burim i madh shqetësimi”.
“Ne bëjmë thirrje për de-përshkallëzimin dhe pjesëmarrje të vazhdueshme në dialogun konstruktiv të udhëhequr nga Bashkimi Evropian. Më lejoni të theksoj se Qiproja i qëndron qëndrimit të saj parimor për mosnjohjen e shpalljes së njëanshme të pavarësisë së Kosovës”, tha ai duke shtuar se parimet e sovranitetit dhe integritetit territorial janë të patjetërsueshme dhe të padiskutueshme.
“Gjatë bisedimeve të sotme patëm mundësinë të shkëmbejmë mendime për çështjet aktuale të sigurisë në Evropë dhe botë, veçanërisht për provincën tonë të Kosovës, Qipros dhe Lindjes së Mesme”, theksoi ministri Vuçeviq, duke shtuar se në takim u diskutua edhe për implikimet e konflikti midis Rusisë dhe Ukrainës për situatën e sigurisë në këtë pjesë të botës, shkruan Danas.
Ai tha se niveli i bashkëpunimit në fushën e mbrojtjes së 2 vendeve është në nivel të lartë, por edhe hapsirën për avancimin e bashkëpunimit ushtarak e ekonomik.
