Krtekuvendari, Glauk Konjfuca, në 24 vjetorin e lirisë tha se çlirimi i Kosovës është shembulli me i spikatur i bashkëveprimit të suksesshëm ndërmjet faktorit vendor edhe bashkësisë ndërkombëtare, përcjell InLajmi.
“Sot pra është 24 vjetori i çlirimit të Kosovës nga Serbia, çlirimi i Kosovës është shembulli me i spikatur i bashkëveprimit të suksesshëm mes faktorit vendor edhe bashkësisë ndërkombëtare. Për ne ishte dita e ardhjes së lirisë një datë shumë e çmuar për popullin e Kosovës por ishte po ashtu edhe sukses i madh në planin ndërkombëtar”, deklaroi Konjufca.
Ndalja e gjenocidit të Serbisë, tha ai nuk mund të bëhej pa miqtë tanë të çmuar ndërkombëtarë, por liria thotë ai erdhi edhe sepse kërkesat tona ishin të drejta.
“Sepse dita e çlirimit të Kosovës konsideroj lidhet pikërisht edhe me ndalje e gjenocidit të Serbisë ndaj popullit të Kosovës. Kjo natyrisht nuk do të mund të arrihej edhe pa miqtë tanë të çmuar ndërkombëtarë, pa shtet të cilat e ndihmuan çlirim e Kosovës. Por kjo ndodhi edhe pikërisht për arsye se kauza jonë ishte shumë e drejt. Ne krejt çka po kërkonim si popull dhe qytetarë ishte që ta heqim pushtimin, okupimin serb shekullor në Kosovë”, shtoi tutje ai. /InLajmi/
